ᑎᑎᕋᕆᐅᖅᓴᓂᖅ
ᐱᔭᕐᓂᕐᓂᖅᓴᓂᒃ ᐱᒋᐊᕈᑎᖃᕐᓗᑎᑦ
ᑐᙵᓱᒃᑎᑕᐃᓐᓇᕆᓗᒋᑦ ᕿᑐᕐᖓᕕᑦ ᐱᓇᓱᐊᖅᑕᖏᑦ, ᑎᑎᕋᕆᐅᖅᓴᔾᔪᑎᖏᑦ ᑎᑎᖅᑐᒐᖅᑕᖏᓪᓗ ᐊᒻᒪᓗ ᓇᓗᓇᐃᒃᑯᑕᓕᐊᖏᑦ. ᓈᓚᑦᑎᐊᖅᐸᒡᓗᒍ ᕿᑐᕐᖓᐃᑦ ᐅᓂᒃᑳᖅᑎᓪᓗᒍ. ᓇᓗᖅᑯᑎᒍᓐᓃᖅᐸᓪᓕᐊᓗᓂ, ᐅᓂᒃᑳᖃᑦᑕᖅᑕᖏᑦ ᐅᖃᐅᓯᕐᓂᒃ ᐃᓗᐃᑦᑐᓂᒃ ᐱᕙᓪᓕᐊᔪᓐᓇᕐᒪᑕ.
ᐅᓪᓗᑕᒫᑦ ᑎᑎᕋᖅᐸᒡᓗᓯ
ᑲᔪᖏᖅᓴᖃᑦᑕᕈᒃ ᕿᑐᕐᖓᐃᑦ ᑎᑎᕋᕆᐅᖅᓴᖃᑦᑕᖁᓪᓗᒍ ᐅᓪᓗᑕᒫᑦ. ᓂᖅᑎᐅᕈᑎᓕᐅᖃᑎᒋᕙᒡᓗᒍ, ᐃᓪᓗᕈᓯᓕᒫᑦ ᓇᓗᓇᐃᒃᑯᑕᓕᕐᓗᓯᐅᒃ, ᐅᓪᓗᑕᒫᖅᓯᐅᑎᓂᒃ ᑎᑎᕋᖅᐸᒡᓗᓯ, ᓂᐅᕕᕆᐊᕐᓂᐊᖅᑕᓯ ᑎᑎᕋᖅᐸᒡᓗᒋᑦ, ᐅᕝᕙᓘᓐᓃᑦ ᓇᐃᑦᑑᒐᓗᐊᓂᒃ ᑎᑎᕋᖅᐸᒡᓗᓯ ᐃᓚᑦᓯᓐᓄᑦ. ᑎᑎᕋᕆᐅᖅᓴᓂᓕᒫᑦ ᐊᑑᑎᖃᖅᐳᑦ!
ᑲᔪᖏᖅᓴᖅᐸᒡᓗᒋᑦ
ᕿᑐᕐᖓᐃᑦ ᑎᑎᖅᑐᒐᖅᐸᑦ, ᑎᑎᕋᙳᐊᖅᐸᑦ, ᐅᓂᒃᑳᓕᐅᕌᕐᔪᒍᒪᒃᐸᑦ ᑎᑎᖅᑐᒐᖅᑕᖏᓐᓂᒃ, ᐅᕝᕙᓘᓐᓃᑦ ᑎᑎᕋᕈᓐᓇᖅᓯᒃᐸᑦ ᐅᖃᐅᓯᕐᓂᒃ ᐃᓗᐃᑦᑐᓂᒃ, ᐱᓇᓱᐊᑦᑎᐊᕐᓂᖏᑦ ᐃᓕᓴᕆᕙᒡᓗᒋᑦ! ᐱᓕᕆᐊᕆᓯᒪᔭᖏᑦ ᑕᑯᒃᓴᐅᑎᑦᑎᐊᕐᓗᒋᑦ ᓈᓚᑦᑎᐊᖅᐸᒡᓗᒋᓪᓗ ᐅᓂᒃᑳᖅᑎᓪᓗᒋᑦ. ᑎᑎᕋᕈᓐᓇᑦᑎᐊᕐᓂᖅ ᓴᖅᑮᓲᖑᕗᖅ ᐃᓕᓴᕆᔭᐅᓂᒃᑯᑦ, ᐱᐅᓪᓚᑦᑖᖅᑐᓕᐅᕋᓱᖕᓂᒃᑰᙱᑦᑐᖅ.
ᑎᑎᕋᖃᑦᑕᕐᓂᖅ ᐱᔪᒥᓇᖅᓯᑎᓪᓗᒍ
ᑎᑎᕋᕆᐅᖅᓴᓂᖅ ᐱᙳᐊᕐᓂᒃᑯᑦ ᐱᓕᕆᐊᕆᔭᒃᓴᐅᕗᖅ! ᒪᓕᒡᓗᒋᑦ ᕿᑐᕐᖓᖅᐱᑦ ᐱᒃᑯᒋᔭᖏᑦ ᐊᒻᒪᓗ ᖃᓄᖅ ᐅᓂᒃᑳᓕᐅᕐᓂᖅ ᑎᑎᕋᕆᐅᖅᓴᔾᔪᑕᐅᔪᓐᓇᕐᒪᖔᑦ. ᑎᑎᕋᐅᑎᓂᒃ ᑕᖅᓴᓕᖕᓂᒃ ᐊᔾᔨᒌᙱᑦᑐᓂᒃ ᐊᑐᕈᓐᓇᖅᐳᓯ, ᑎᑎᕋᕆᐅᖅᓴᔪᓐᓇᕆᕗᓯ ᐊᓛᓯᒧᑦ ᓯᐅᕋᕐᒧᓪᓘᓐᓃᑦ, ᓄᓇᙳᐊᓕᐅᖃᑎᒋᔪᓐᓇᕆᕙᑦ ᑲᔾᔮᕆᔭᖏᓐᓂᒃ, ᐃᙱᐅᓯᓕᐅᖃᑎᒋᔪᓐᓇᕆᕙᑦ ᖁᕕᐊᒋᔭᖏᓐᓂᒃ. ᑎᑎᕋᕆᐅᖅᓴᓂᖅ ᐱᙳᐊᖅᑑᔮᕐᓂᐅᑎᓪᓗᒍ, ᐃᓱᒪᔪᓐᓇᕐᓂᖅ ᓇᓗᖅᑯᑎᙱᓐᓂᕐᓗ ᐱᕚᓪᓕᓲᖑᕗᑦ.