ᑐᙵᓱᒋᑦᓯ ᐊᖏᕐᕋᒥ
ᐃᓕᓐᓂᐊᕐᓂᕐᒧᑦ
ᑐᑦᑕᕐᕕᖓᓐᓄᑦ!
ᓄᓇᕗᑦ ᒐᕙᒪᒃᑯᖏᑦ ᐊᒻᒪᓗ ᓄᓇᕗᑦ ᐃᓕᓐᓂᐊᕐᓂᓕᕆᔨᒃᑯᑦ ᖁᕕᐊᓱᒃᐳᑦ ᐊᑐᐃᓐᓇᐅᑎᑦᑎᔪᓐᓇᕐᒪᑕ ᐃᓕᓐᓂᐊᕈᑎᒃᓴᓂᒃ ᐱᔪᒥᓇᖅᑐᓂᒃ, ᐃᓕᓐᓂᐊᖅᑎᑦᑎᓗᓂ ᖃᓄᐃᓕᐅᕆᐊᖃᕐᓂᖏᓐᓂᒃ ᓇᓗᓇᐃᖅᓯᓯᒪᔪᓂᒃ, ᐊᒻᒪᓗ ᖃᕆᓴᐅᔭᒃᑯᑦ ᑐᑭᓯᒋᐊᕈᑎᓄᑦ ᓇᕿᑦᑕᒐᕐᓂᒃ ᐃᓚᒌᓄᑦ ᐸᖅᑭᔨᓄᓪᓗ ᐊᑐᖅᑕᐅᔪᓐᓇᖅᑐᓂᒃ ᐃᑲᔪᖅᓱᕈᑎᓂᒃ ᕿᑐᕐᖓᖏᑕ ᐃᓕᓐᓂᐊᕐᓂᖏᓐᓄᑦ ᐊᖏᕐᕋᒥ.
ᐅᕙᓂ ᐃᑭᐊᖅᑭᕕᑦᑎᓐᓂ, ᓇᓂᓯᔪᓐᓇᖅᐳᑎᑦ ᐃᓕᓐᓂᐊᕈᑎᒃᓴᓂᒃ ᕿᑐᕐᖓᕕᑦ ᑐᑭᓯᓇᓱᒍᒪᒐᔭᖅᑕᖏᓐᓂᒃ ᐃᑲᔫᑎᔪᓂᒃ ᐃᓕᓐᓂᐊᕐᓂᖏᓐᓂᒃ. ᐊᑐᕈᓐᓇᖅᐸᓯᐅᒃ ᖃᕆᓴᐅᔭᒨᖅᑎᓯᒪᔭᕗᑦ ᐅᖃᓕᒫᒐᑦ, ᕿᒥᕐᕈᐊᒐᑦ, ᐊᒻᒪᓗ ᑕᕐᕆᔭᒐᒃᓴᑦ ᖃᖓᑐᐃᓐᓇᖅ, ᓇᒥᑐᐃᓐᓇᖅ ᐊᑐᖅᑕᐅᔪᓐᓇᖅᑐᓂᒃ, ᐊᒻᒪᓗ ᓈᒻᒪᑦᑎᐊᖅᑐᓂᒃ ᐃᓚᑦᓯᓐᓄᑦ ᐊᑐᖅᑕᐅᔪᓐᓇᖅᑐᓂᒃ.
ᐅᖃᓕᒫᒐᖃᖅᐳᒍᑦ ᖁᑦᑎᖕᓂᓕᓕᒫᓄᑦ ᑐᕌᖓᔪᓂᒃ. ᖃᐅᔨᒪᙱᒃᑯᕕᑦ ᓇᑭᑦ ᐱᒋᐊᕈᓐᓇᕐᒪᖔᖅᐱᑦ, ᓱᕈᓯᓛᓄᑦ ᑐᕌᖓᔪᓂᒃ ᐅᖃᓕᒫᕆᐅᖅᓴᐅᑎᓂᒃ ᐱᒋᐊᕈᓐᓇᖅᐳᑎᑦ ᒪᓕᒡᓗᒍ ᕿᑐᕐᖓᕕᑦ ᐅᖃᓕᒫᕈᓐᓇᖅᓯᕙᓪᓕᐊᓂᖓᓂᒃ.
ᐱᒻᒪᕆᐊᓘᕗᑎᑦ ᕿᑐᕐᖓᕕᑦ ᐃᓕᓐᓂᐊᕐᓂᖓᓄᑦ! ᐱᓕᕆᖃᑎᒌᒡᓗᑕ, ᐊᖏᕐᕋᒥ ᐃᓕᓐᓂᐊᕐᓂᖅ ᐱᔪᒥᓇᖅᓯᑎᒍᓐᓇᖅᐸᕗᑦ ᐱᕚᓪᓕᖅᐸᓪᓕᐊᔪᒥᒃ.
