Uqarlutik Naalakhutik Ikajuutaujut
Uqainarlutik
Uqauhijuumiqpaktut uqaqatiqaqhuni. Naalaglugu nutarat atuqtaminik uqarivaliaraingita ilivillu unipkaaqpaglutit. Ilitturipkatilutit pijumavaktamingnik aliagijamingnik imaluunniit uqautilutit hunanik pivagiangita. Apirivaglugu qanuq ihumajaakhaa imaalu qanurittaakhaa ublua naalaglugit kiudjutait. Unipkaaqatigilugu ilaruhiitigut imaaluunniit hujaakhaa ublua. Nutarat tuhaavagaangami uqaraangamilu Inuktut, ajuittiarjuuminiaqtut.
Ulapqiujarlutik
Ajuiqhariami uqauhirmik ulapqiujarilugu! Ajurnaittut ulapqiujat imaa Takuvunga imaalu 20-nik Apiqhuutinik tainiliurlutik imaalu ihumattiariangita Inuktut. Nutarat aliagijait naupkarlugit nutaanik tainirnik ajuiqharlutik ulapqiujaqhutiglu!
Aliahuutigilugit atuujaat
Numirlutik atuujarlutik uqauhirnik ajuiqharlutik! Atuqtuujarlutik Inuktut atuujanik ilagiikpit atuujanginnik atuujarlutik, imaalu uqauhiutinnualiurlutik. Hapkua atuujautit hakugikhautautaaqtut pitquhianut alianaqhiutaujut uqauhinik ajuiqhariami.
Naalaglutik naalautinik ukualu podcast-nik
Katimaqatigilugu aliagijaanik Inuktut podcast-mik naalautinigluuniit. Ukua naalaktait uqaqpajukhijaangat imalu nutaani tainirnik ajuiqhautilugu, uqauhiutit, aallattullu uqariami.
Pinnguarlutik
Uumajutut tautukkuujapkarlugit atauhiillaarlutik taiguamiitunnguangulutik. Imaa unipkaaq tautukuujatillugu, ikajuutaujuq kangiqhittiariangita, imaa qanurunaaruruiriangat Inuktuuriamini.
Unipkaarlutik
Unipkaanik naalagiami alianaqhilugu nutaraqqit ihumagiliriangit. Ilagiit atauttimi imaaluunniit unipkaanik hannakhautiulutik, ikajuutaujut ilihimaliriangat tainiinik nipinilu Inuktut paqinniaqtaa.