Titirarnirmut Ikajuutaujut
Mikijumik auladjutiqarlutit
Quviahuutait qanurliqaak aliahuutigilugit, titiraujakaffuit, piksamut unipkaat titirait. Naalaglugu nutarat taigualiraangat unipkaamik. Ajuirjuummiblutik taigualiraangata atauhirmit tainirmit uqauhiqautinut.
Ubluq tamaattitirarlutik
Uuktuquvaglugu nutarat titirariangat mikijuugaluamik ubluq tamaat. Niqiliurutikhanik, naunaitkutakhanik igluani, titirarviqarluni naittuugaluanik titiranik ilaminut titirarialiglu. Mikigaluaqhutik titiraqtait arlingnaqtut!
Pijumapkarlugit
Nutarat titiraujaqqaluunniit piksanik, titiraffuqpat, tainiliqtirikpat titiraujaqtaminik, titiraqqaluunniit takihijunik uqauhiqautinik, quviagilugit uuktuqtait. Takupkarlugit aliahuutingit naalaglugit unipkaangit. Titirajukhijuummiqpaktut quviagijaugaangamik, ihuattiangitkaluarluni.
Titirarniq alianaqhilugu
Titriarniq ulapqijautigilugu! Maliglugu nutarat pijumajait naunaiqhailutiglu naunaiqhaijariangat ihumagijanik. Ivitaalgit titirautit paniqtaaqtullu titirautit atuqtaaqtait, titirariami aliaginiaqtait imaa haviqquujami hiurarmi, ukualu naittut atuujat hunanik aliagijanginik. Titirarniq ulapqiujatutut itkaangat, hunaliurnaqtuq, ajuirutaujuq nakuuttianikkut.