Aturuminaqtut Ikajuutitkhat Ajuiqharnimut Aihimalutik
Havakhuni nakuujumik ajuiqharvikhamk aihimavingmi ajurnarniarunaqtuq kihimi ukuat ajurnaittut ikajuutauttaaqtut havaniaruvit ilihautinik havagvikhaanik.
Havaglutit nipailrumi
Ikajurlugu nutarat aamadjihimaittumik nipailrumi niamngijarnaqtumik ilihautiminik havagiangat nipittumi qun’ngainngituni. Naalautit tiiviilu qamillugit hiamngijaittumi ajuiharvikhaa.
Takupkarlugu Ilvit ihuarijat
Naalaglugit nutaraqqit ihumagijait uqautilugulu imaalu havaqatigilugu. Ajuittunngitqijaujutit takupkaqtailugu- naalattiarlugu, apiqhuqpaglugu imaa takujaangat havakatanginik ikajurumajat nutaqqat havakpagiangat ihuarijaitigut.
Qun’ngiarlugu nutarat
Ilihimalugit hunanik pittiaqtaqtainik qanurlu ajuqhautiqaqtuq. Piligit hulidjutit taapkununga ikjuutaujut ajuiqharaaqhuni. Pijumajainik pipkarlugu hunanik qanurlu ajuiqhautigijait.
Hulidjutiptigut inuuhiptingni ajuiqhautigilugu
Aturlugit ubluqtamaat huligakhat ajuiqhautigilugit. Ajuiqhautigilugu kihittitiniq igaliraangat, titirarlugit hunaujaakhait hunaliqaak aimavingmi. Imaaluunniit ingilranitaat ajuiqhariaqaqtat aturlugit imaa miqhurniq, hungaudjanik, qilaudjarniq, aallialiurniq imaalu niqiliqiniq. Ukuat nutaraqqit ajuiqhautigittaaqtait, hunaliurluni, imaalu ihuanngitunik ihuaqhaigiami pivaliriangat.
Qun’ngiariangallu
Qun’ngiaviuhiit naikhiqtirlugit taimaa aadjikkiigiangita inuuhiutiit inuuhittiaruhinut. Aniiquvagulu hilami ulapqijaangat, taiguariangat pulaagiangita ilannani ikajuqtiuvaglunilu.
Tamaat pivikhaa
Maliktilugu ajurnaittuq ubluq tamaat pivikhaa ihumaalungnaitumi ikajurlugu nutarat ilihimajaangat hulijukhaq. Uqarilugit ublumi havaakhait takuttiarnaqtumik hulidjutikhaa nutaraqqit titirarlugit havagtakhait inirumigit titiqtaqhait iniqtut. Hivullirmik havakhaariittuq imaalu nutarat ilihimaliriangat hulijukhaq. Itqaumalutit, ubluq tamaat mikijumik ilihautini havaqattaqtakhait. Naammagijaanik pipkarlugu ihuarijaminik pivagiangat.
Timinga
Ubluqtamaat ikpingnaqtuq inuuhiqattiariami. Ihaktitpaglugu, ingutaaqtitpaglugu, aliahutillugu itiqhimaqatigilugu aniiqatigilugulu. Imaa ikajuutauniaqtuq nutararnut ihumagijangit ikajurlugulu inuuhiqattiariangat.
Alianaqhipkarlugit
Ulapqiujarniq ilaujuq nakuuhautaujuq tamainnut nutaraup angiglitiriamni. Kitittitiniq ihuaqjainiagut aadjigiiktut hulidjuhiit qaujimanikhait igabluni hulivajhuni igavingmi. Alianaraangat ajuiqharniq, nutarat pijumaqattarniaqtuq. Angajukhiit nutaqqat ulapqiluarunaittuq, kihimi ulapqiujariami ikajuutaujuq tamainnut nutaqqanut.
Qilanaahimaittunik, nakuujumik, najurlugulu
Ajuiqhariami hadjainaq pilimaittuq. Pipkarlugu nutarat. Ihuqtumik pigaingat unniutilugu nakuujuq, quviagilugit akidjuhingit, ihuinaarutait ajuirutiginiaqtait. Nakuunikhaanaut pinahuaqtittugu. Ikajuutaudjutitit nakuutqijaq pijumavagiangat, ihuaruhukpagiangat imaalu tikilvikhaanut pipkarniarlugu.
Ihagvigilutit
Ajuqhaliruvut ikajuriarni nutarat aimavingni, ilihaijia uqarvigilugu, ilannatit, ilatiluunniit uqautijangita ilingnik. Apirilugu ilihaiji ajuiqhautigut iliharvingmi taimaa aimavungani ajuqhautigijait havaarivagiangita aihimabluni. Ikajuqtigilugit ajuiqhaqatiutihait ilannani, ilani, nutaqqaluunniit ilihaqatigijait nunallaanga.